Kum 2016 a i hung pieng ding khan, beisei si, beisei ngam chie si lovin tu hun hi ka lo nghâk a. Hun a liem , ni liemin kar a liem a, chu kâr chun thla hung inpiengtirin, thla khawmin kum a hung inpiengtir meu chun, i kum khatna i hung tlung ve el chu a ni ta hi!
Tuiruong Phairuoma Hmar Chanchinbu kim khat tling hmasa tak i ni hrim hrim khawm hi lawm khawp a ni laiin, hring zinga kum khat i hei tling thei lem hi chu ka lawmna a sukzuol!
Vawisun, Thlazing 31, 2017 hin The Hmar Times teamhai kum khat tling champha chibai ka búk le inruolin inzana chibai ka buk a. Kum tam tak dam a, Hmar hnam le Hmar țawng hmang le hre hai ta dinga ro hlu ni pei dingin ditsakna ka inhlan!
In thlantu far chu a thlawn naw, in inrimna khawm a thlawn bawk nawh.
Harsatna phena hlawtlingna um hi chang rawp dingin ditsakna ka inhlan mawl mawl cheu!
H.Zate,
Hmar Rûn
http://hzate.in
No comments:
Post a Comment