JAWNI ṬAP NAW

Model: Mimi Lalchhanhimi Tlau

Ziektu : H.Zate, Hmar Rûn
- www.hzate.in

Kum zat tak ka hriet ta naw a, kan In kawl el a hin Nuhmeite Jawni hi a um ve a. In intâwk vang a um na na na chu kum sawm chuong chu ka lo hriet ve ta hlak a. Kei nek chun Kum Sawm vanga naupang lem a nih. Kan inpawl in kan inhrietchieng ve khawp el, sienkhawm, thil hriet hmai ka lo nei a, ka awi naw rak a, ka ring thei mawl nawh.

Ni khat chu lekha ziekin a mi hung pek a ka hei en chun, hieng hin a hung inziek a, muong changin ka hei tiem a, hieng hin a lo inziek a,

Jimmy lunginsiettakin mi nghak rawh aw, 

Ni khat chu la hung inṭhang lien ve ka ta, I ta ding chauhin ka hmur le fawpna hai hum ka ta, kumtluong Hmangaina indiktak entirna in...

Ka tiem a, ka tiem nawn nawk a, mak ka ti hle a, ka awi naw rak a, sienkhawm kei nek a naupang a ni leiin nghak zo dingin ka inring nawh. Chu el khelah, a la naupang em a, a tak a ni khawm ka ring rak naw a. kei khawm chun ziek naw puon chu la suokin ka kutah Ziekfung la in Laisui le Ziekfung chu ka chuktuo ren rawn a, ka thu hril nuom chu ka ziek ta a,

 “Jawni jawni ṭapnaw rawh, hun liem a ta mi la theinghil ve el i tih. Tuhin kei kum 22 ka ni a, nang hlak 15 chauh i la ni si, nuom el in ka nghak thei naw che a nih”

tiin.

 Ka lungrilah um naw ang le, ieng ma lo a ka lo ngai hi ka thil thaw suol lien tak a lo ni ran a. Ka ziek zo chun kan inkawl a In ah chun hang chuongkaiin ka thaikawi chu Jawni chu ka pek a. A hei tiem chun a biengah mittui/mithli luongin a far zawi zawi a, hril ding kan invai hle.

A ieng hri hri am a nih, kan Khuo, khuo a po a chin tawp khawk le pui naw chu ka suok san vat a, ka vangnei siemin sin ka hmu hlau el a, inhawi ka tiin um hlen ka tum hiel a nih.

Chuonga ka um lai chun,  Ni le thla le kum hai invawin kumsul an vawi a,  Kum nga lai a lo invawi ve ta a. Sienkhawm, Jawni thu mi hril kha ka lungrilah a thi thei reng reng naw a, ka lungril a sukbuoi in ka lungrilah a châm zing hlak. Jawni hmu ding le  ka lungril ah a cham zing thu le ama ngawt ka ngaituo zie thu chu hril a innei a fiel dingin ka veng ka pan ta a, kan veng tieng fe zai relin Vuongna ah ka chuong a. Kan veng ka tlung char chun lampui tluonin Jawni hai in panin ka tlan a, Sienkhawm, Jawni hai in ka hei tlung chun thil iengkim hi a lo danglam tah. Jawni thil mi hril ka hei hriet chun ka mitthli chu fur ruotui ang elin a far in a far tluk tluk el a, 

“Jimmy lunginsiettakin ṭap naw rawh. Hun le ni liemin mi la theinghil ve el i tih, i mi liemsan a inthawk kum nga a liem tah, I ruolṭha tak Jawhan leh kan innei tah annawm”

tiin.

 Pasal a nei thu a mi hril chun na ka ti em em a, pasal a nei chu thuhran ka ruolṭha tak a hei ni nawk nghal chu tuor intak ka ti em em a. Ṭap lai reng ka bang thei nawh.

16 July 2013, Thawleni, Zantieng Dar Hni | Silchar

[   _'Don’t Cry  JONI' thu tluongtlam a ka ziek a nih._ ]