NGAIIN KA KO RUAI CHE

Thlalatu: Morris H Lalremruata

Ziaktu: H.Zate, Hmar Rûn.

 - www.hzate.in

Fam Pu Buonglienkung chuan kumhlui mualliam mai tur chu ui em em in, tihian a lo awi a,

Aw, Kumhlui kan phal naw che,
Zamuolpui I liem ding hi,
I vullai hun kkan hang dawnin,
Ngai I um kan ti em el,

(aw kumhlui kan phal lo che, zamualpui iliam tur hi, I vullai hun kan han dawnin, I ngaihawm kan ti em e!)

Tiin a awi ngawih ngawih a, kumhlui mualliam mai tur chu a phal thei mawlhlo a, mihring ang mai a bia in a han ngaihtuah a ala phal thei chuanglo.

Theihchangse kan va nuam em,
Kum khawtluan a leng turin,
Inthen lo thei kan ni si lo,
Ngaiin kan ko ruai ruai che,

A la ti hram a, a ni nen a hun an lo hman tawh leh a vullai hunte a han dawnin, ṭhenna thu han tiampui mai atan chuan a ui a, a ngam ngang lo. lungngaihna zawng zawng lawman chantir a, par-ang lo vul thin kha chuai mai atan a phal ngang lo. Ui tak chungin tihian a han awi leh ta hram a,

I vullai hun kan dawnin,
TheNna thu kan tiam ngamlo,
Lungngaih lawman chantIr thintu,
Then tur chuan kan phallo che,

Cheiraw, Pu Buonglienkung hian hun hlutzia leh kumhlui ngaihawm zia hi al ova han hrechiang take m!, hmanlai chang a tawnni her leh tawh lo tura a liam mai tur chu a phal thei ngang lo. Chumai a ni lo, a sakhming puan ang chul mai tur chu a phal thei ngang lo a ni. He hla hi a ni a thih khan ama hriatrengna'n a an sak kha. 'Aw, kumhlui' tih hi 'Buonglienkung' ti a thlakin, “I Sakhming Puan-ang chul tur chu” tih hi “I sakruang Buanlei chang tur hi” tiin an thlak a.

Kan phal lo, kan phal theilo,
Hmanlai I chang mai tur hi,
I sakhming puan-ang chul tur chu,
Pamhmai-awm kan ti em mai,

A uiawm em a ni tiraw? He hun liam tur hi chu, Pi Lalsangzuali pawhin “I Thil tih zawng zawng saw thlir teh, hunin a liampui saw!” ti a awi rat rat chungin “Kumhlui kumhlui” a tih lawm lawm hi.

Nunhlui ngaih nâ in, ṭah ruai nâp ṭhinin, ṭahna min thlen ṭhin mahse, he khawvel intlansiakna ramah hian nunhlui ngai a indawm kun a ṭap hman kan ni lo. Hmalam pan a intlansiakna ṭha bei zel tur kan ni si. En teh lal, mi u ten raltiang an kai hma hian hawh teh, tho la, nunhlui ngaia 'ngaiin ka ko ruai che' tia ṭah hla rem lovin, hma lam panin kal ve teh ang. Mi âk rual a âk ve turin!

[ Engvang a chang khatna hi hmar ṭawng a dah kher nge a nih min lo ti a nih chuan, a chhungte dil ka tum a, ka lo mangnghilh pek a, ka let vek ngam ta lo a, zahna lantirnan a changtir tal hi let lovin ka dah a ni. ]

26 December 2013 | Thingdawl