Ka Pa, Ka Virgin Tawh Lo!

- H. Zate

www.hzate.in

( Silentseyes - lehlin + siamrem. )

Hmeichhe pakhat a pain a pasal tur a zawnsak a. Mahse, a nunhlui vangin Mipa chuan a duh loh emaw a hnawl ang tih a hlau a, lo nei ta pawh nise a hnua a inchhirna mai a ni ang tih a hlau si a. Chuti chuan a pa hnenah inpuan mai thain a hria a. Mahse, a pa chu a hmachhawn ngam ngang si lova, heti hian lehkha a thawn ta a.

Ka Pa duhtak,

I fanu min ngaihtuahin ka pasal tur min zawnsak tih ka lo hri a. I duhthlan leh duhzawng mipa ngei pasala nei tur chuan ka inpeih a, ka hnial lo. Mahse, ka nihna leh ka awm dan anga min hrethiama min pawmtu tur hi thlang turin ka duh che a, Ka thianghlimna ka hloh leh hloh loh kawnga min tehtu tur ni lovin. A chhan chu maw ka pa, ka virgin tawh lo! kei i fanu hian ka hmangaih ber, ka nun leh engkim ai pawha ka hmangaih hnenah chuan inpumpekin ka hlutna leh thianghlimna ka lo hlan tawh si a!

Ka pa, ka thusawi hian a thawng che tiraw, a awm lo hran love.  A tha lo tih ka hri a,Ka tisual tih ka hria. Bumin ka awma ka nun aia pawha ka hmangaih chuan ka neih hlu ber ka hlan hluin min phatsan tih ka hria.  Mahse, ka dem phal lova, inchhirna ka nei hek lova, ka insit phah hek lo. Thianghlim taka pasal neih tum kha ka hmangaih em vangin bual atin ka awm a ni. Ka hmangaih em a ni. 

Khawngaih takin, tu emaw a hmangaih em emin a lo phatsan tawh ngei chu min zawnsak la, a ni, a ni chuan hmangaih em em tana chelh theihna tur a nih ringa engkim hlan a a tawpa engkim channa kalsan leh nun hi min hriatthiampui awm si a. 


Khawngaihin ka thiam lohna leh tlin lohna nena min hmangaih theitu tur leh thil ka lo tihsual tawhah min hrethiam a lainatna nena min enkawla hlim taka min siam theitu tur chu, Ka tlin lohna min hriatchhuahtir fova ka nun pum inchhira min siam fotu tur ni lovin.

Ka pa,Tu emaw ka tana i thlan ngei chu hetiang mi hi a ni ang tih i sawi thei em?
Chutiang a nih chuan i duhthlan ngei chu pawmin a tan nupui tha tak ka ni ngei ang.

chutiang a nih si loh chuan,he thil hi ka kutah min hlan mai rawh. Phurrit nih ka duh lova, mi pakhat, keimnah ai pawha ka lo hmangaih leh rin em vanga miin i mi enkawl dan an sawisel tur hi ka duh lo.

Ka hria tu emaw chu a awm ngei ang, ka khawhlohna leh  dik lohna min hrethiam a, ka tlin lohna zawng zawng nena min hmangaihtu tur ngei chu. !


I fanu...